點樣加Widget落主畫面？
Step by step 教你點樣 widget 放到iPhone主畫面
搵唔到 Datatone Widget？
試下跟住以下步驟，睇下解唔解決到問題：
- 先打開隻Datatone app
- 然後去主畫面加widget，碌落去睇下見唔見到"Datatone"
- 如果見唔到，關機並重新啟動手機
- 再打開Datatone，然後去主畫面加widget
會出現呢個情況係因為iOS有d特定條件先可以加到widget，例如隻app要係打開過同埋部手機有用過下widget，所以去到熄機重開應該就ok
點樣一個Widget睇哂聯營巴士線？
試下跟住以下步驟做：
- 先睇睇: 點樣加 widget 放到iPhone主畫面
- 編輯 Widget點選巴士路線 > 揀車站名 > 揀聯營線車站
- Datatone將會係到站時間下面顯示巴士公司名稱；如果你本身設定以不同公司顏色做widget背景，背景亦會因應下一班車嘅營運公司而轉換顏色
注意！注意！注意！
我地會提供一個合併建議，但由於不同公司嘅車站有機會不一樣造成錯誤建議，所以請大家要謹慎校對並選擇正確車站，以免造成報時錯誤。
點解App頁面嘅聯營線巴士要分開睇？
唔好意思，造成你嘅不便。
由於聯營巴士返回數據包括車站名、站點都有機會不一樣*，我地暫時未有智能地合併2間巴士公司到站時間。
例如102號線(往筲箕灣方向)，九巴有34個站； 城巴有36個站。
一個版面最多放到6個 widget，點樣可以慳位啲？
你可以將幾個 widget stack 起佢地，咁你就可以一個位上下捽一捽睇到唔同widget資訊
主畫面 Widget 幾耐 refresh 一次？
為控制用電量問題，Widget refresh時間由iOS控制
如你想即時refresh，可直接撳入果個widget再出返黎就會即時更新。
點樣設定Siri功能？
iOS14 用戶，試下跟住以下步驟，睇下解唔解決到問題：
- 搵返巴士路線 / 地鐵線選擇相應車站，撳“加至Siri”
- 你可以編輯 “當我講” 指令，撳 “加至Siri”
- 如你選擇的是聯營路線
- 請選擇需合併的車站，撳完成
- 你可以編輯 “當我講” 指令，撳 “加至Siri”
- 完成！你可以嘗試「喂Siri」啦！
iOS15 用戶，試下跟住以下步驟，睇下解唔解決到問題：
- 搵返巴士路線 / 地鐵線選擇相應車站，撳“加至Siri”
- 你可以 “更改語音字詞”，撳“完成“
- 如你選擇的是聯營路線
- 請選擇需合併的車站，撳完成
- 你可以 “更改語音字詞”，撳“完成“
- 完成！你可以嘗試「喂Siri」啦！
點解無：東鐵線／港島線／觀塘線／荃灣線？
由於以上路線暫時未有開放數據所以我地未能提供相關資料，如果以上路線已有開放數據，我地將會盡快更新！
點樣設定巴士小巴中型／大型widget？
請試下跟住以下步驟，睇下解唔解決到問題：
- 先撳widget編輯選擇巴士路線
- 中型尺寸可顯示最多3條路線；大型尺寸可顯示最多6條路線
- 選擇路線一（例如：171）
- 選擇路線二（例如：171）
- 車站選項將會顯示在路線下面
- 選擇車站一（例如：荔灣道）
- 選擇車站二（例如：堅拿道西），注意！請拉到下一個路線選項
- 如果你所搭嘅巴士係聯營線，你需要選擇聯營車站
- 選擇聯營車站一（例如：荔枝角）
- 選擇聯營車站一（例如：堅拿道西），注意！請拉到下一個路線選項